ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

កម្ពុជា និងស៊ែបីប្រកាសគាំទ្រគ្នាទៅវិញទៅមកលើឆាកអន្តរជាតិ

  • ចុះផ្សាយថ្ងៃទី១១ ខែតុលា ឆ្នាំ២០២១ ម៉ោង ១៤:៤៤ នាទី ដោយ Hun Sirivadh
  • 1207
  Aa |   aA

ភ្នំពេញ៖ រដ្ឋាភិបាលកម្ពុជា និងរដ្ឋាភិបាលស៊ែបីប្រកាសបង្កើនចំណងទំនាក់ទំនងរវាងគ្នានឹងគ្នាបន្ថែមទៀតដើម្បីបង្កើននូវកិច្ចសហប្រតិបត្តិការក្នុងវិស័យនយោបាយ សេដ្ឋកិច្ច ទេសចរណ៍ និងវិនិយោគ។

ក្នុងសេចក្តីប្រកាសព័ត៌មានថ្ងៃនេះ ក្រសួងការបរទេសឱ្យដឹងថា ក្នុងជំនួបរវាងរដ្ឋលេខាធិការក្រសួងការបរទេសកម្ពុជាលោក អ៊ុច បូររិទ្ធ និងរដ្ឋមន្ត្រីការបរទេសនៃសាធារណរដ្ឋស៊ែបីលោក នីកូឡា សេឡាកូវិច បានធ្វើការពិភាក្សាគ្នាក្នុងការរឹតចំណងទំនាក់ទំនងដ៏យូរអង្វែងរបស់ប្រទេសទាំងពីរ និងប្ដេជ្ញាចិត្តក្នុងការពង្រឹង ពង្រីកកិច្ចសហប្រតិបត្តិការទ្វេភាគីក្នុងវិស័យនយោបាយសេដ្ឋកិច្ច ទេសចរណ៍ និងវិនិយោគ ដើម្បីជាប្រយោជន៍នៃប្រទេសទាំងពីរផងដែរ។

រដ្ឋមន្ត្រីការបរទេសនៃសាធារណរដ្ឋស៊ែបីលោក នីកូឡា សេឡាកូវិច បានបញ្ជាក់ពីបំណងរបស់រដ្ឋាភិបាលស៊ែបីក្នុងការបើកស្ថានបេសកកម្មការទូតស៊ែប៊ីនៅតំបន់អាស៊ីអាគ្នេយ៍ពិសេសកម្ពុជា ដោយក្នុងបំណាច់ឆ្នាំនេះរដ្ឋាភិបាលនឹងបញ្ជូនគណៈប្រតិភូខ្លួនមកកម្ពុជាដើម្បីសិក្សាលើករណីនេះ។

ក្នុងជំនួបរវាងតំណាងការទូតកម្ពុជា និងស៊ែបីលើកនេះ រដ្ឋាភិបាលស៊ែបីសន្យាថានឹងផ្ដល់សន្យាប័នសម្រាប់លិខិតឆ្លងដែនការទូតកម្ពុជាអាចចេញចូលប្រទេសស៊ែបីបាន និងប្រកាសគាំទ្រប្រទេសកម្ពុជាលើឆាកអន្តរជាតិផងដែរ។

ចំណងទំនាក់ទំនងរវាងកម្ពុជា និងស៊ែបី បានចាប់ផ្ដើមក្នុងឆ្នាំ១៩៥៧ ក្រោមការដឹកនាំរបស់សម្ដេចនរោត្តម សីហនុ ដោយពេលនោះកម្ពុជាក៏បានបង្កើនស្ថានទូតរបស់ខ្លួនក្នុងទីក្រុងប៊ែលក្រាត នៃសាធារណរដ្ឋស៊ែបីផងដែរ។ ទោះជាយ៉ាងណាដោយសារសង្គ្រាមនៅកម្ពុជាឆ្នាំ១៩៧៩ វាយបណ្ដេញខ្មែរក្រហមពីជំនួយរបស់ទ័ពវៀតណាម រដ្ឋាភិបាលស៊ែបីបានប្រកាសផ្ដាច់ទំនាក់ទំនងការទូតជាមួយរដ្ឋាភិបាលកម្ពុជារហូតដល់ឆ្នាំ២០១១ ទើបចំណងទំនាក់ទំនងប្រទេសទាំងពីរចាប់ផ្ដើមផ្សារភ្ជាប់ឡើងវិញដោយមានការគាំទ្រគ្នាទៅវិញទៅមក៕

រូបថត: AKP

ព័ត៌មានជាច្រើនទៀតសម្រាប់អ្នក